"മറത്തുകളി: സംസ്കൃതപഠനത്തിൻ്റെ നാടോടി വേദി"

ഡോ.സുമ

പ്രബന്ധസംഗ്രഹം 

    ഉത്തര കേരളത്തിൻ്റെ ഒരു അനുഷ്ഠാന കലയാണ് മറത്തുകളി. ഒരു ദിവസം മുഴുവൻ നീണ്ടുനിൽക്കുന്ന കലയും വൈജ്ഞാനികതയും ഒരുമിച്ചു ചേരുന്ന, ആസ്വാദ്യതയും അതുപോലെ ചിന്തോദ്ദീപകങ്ങളായ തർക്കങ്ങൾ ഉന്നയിക്കുന്ന ഒരു വേദിയാണ് മറത്തുകളി.

കായിക പ്രധാനമായ പൂരക്കളിയുടെ ഇതിവൃത്തത്തെ പുരസ്കരിച്ചുകൊണ്ട് രണ്ട് പണിക്കൻമാർ പല സംസ്കൃത പ്രകരണങ്ങളെ ആശ്രയിച്ച് നടത്തുന്ന വാഗ്വാദമാണ് മറത്തുകളി. സംസ്കൃത വ്യാകരണം, തർക്കം, വേദാന്തം, ജ്യോതിഷം, ആയുർവ്വേദം,സാഖ്യo, യോഗം, മീമാംസ, വൃത്തശാസ്ത്രം, രസം, നാടകശാസ്ത്രം, സംഗീതശാസ്ത്രം, ഇതിഹാസങ്ങൾ, പുരാണങ്ങൾ, ഉപനിഷത്തുകൾ തുടങ്ങിയ വിഷയങ്ങളിൽ ഗൗരവമുള്ള ചർച്ചകളെ ആശ്രയിച്ചാണ് മറത്തുകളി അവതരിപ്പിക്കപ്പെടുന്നത്. ഈ നാടോടികലാരൂപത്തിൻ്റെ പശ്ചാത്തലത്തിലൂടെ പ്രാചീന കാലത്ത് സംസ്കൃത ഭാഷയുടെ ജനകീയത വിളിച്ചോതുന്നതും,അനൗപചാരിക സംസ്കൃത  പഠനത്തിന്റെ തികച്ചും വ്യത്യസ്‌തവും ശ്രദ്ധേയവുമായ ഒരു രീതിയും, മറത്തുകളിയുടെ അന്തിമത്തിൽ പണിക്കൻ മാർ യോഗി ചര്യയിലേക്ക് എത്തുമ്പോഴേക്കും സ്പർദ്ധ വിട്ട് എല്ലാം ഒന്നാണെന്ന മഹനീയമായ  ദർശനത്തെ സമൂഹത്തെ ബോധ്യപ്പെടുത്തുന്നതുമായ  വേറിട്ട ഈ അനുഷ്ഠാന കലയെ കുറിച്ച് ഈ  പ്രബന്ധത്തിൽ സംക്ഷേപിക്കുകയാണ്.

താക്കോൽ വാക്കുകൾ

     അനുഷ്ഠാന കല, മറത്തുകളി , പൂരക്കളി, പണിക്കർ, ആചാരങ്ങൾ , പ്രകരണങ്ങൾ,സംസ്കൃത പഠനം, തർക്കശൈലി, ഉദാഹരണതർക്കം.

ആമുഖം

         കേരളസാംസ്ക്കാരിക പൈതൃകത്തിൻ്റെ ആകർഷകവും അതുല്യവുമായ ചില സവിശേഷതകൾ പ്രതിഫലിപ്പിക്കുന്ന പൂര-ഉത്സവത്തോടനുബന്ധിച്ച് ഉത്തര മലബാറിലെ കാവുകളിലും, ക്ഷേത്രങ്ങളിലും നടക്കുന്ന ആചാരങ്ങളിലൊന്നാണ് മറത്തുകളി. വടക്കേ മലബാറിലെ  ക്ഷേത്രവുമായി ബന്ധപ്പെട്ട നാടോടി കലാരൂപമാണ് മറത്തുകളി. കണ്ണൂർ ജില്ലയുടെ തെക്കൻ ഭാഗങ്ങളിലും കാസർഗോഡ് ജില്ലയുടെ വടക്കൻ ഭാഗങ്ങളിലും ഇത് ആചരിക്കുന്നു.വൈജ്ഞാനിക മേഖലയില്‍ മാറ്റുരക്കുന്ന മറത്തുകളിയുടെ ഭാഗമായി പൂരക്കളിയും അരങ്ങേറും.ഏഴ് ദിവസങ്ങളിലായി നടക്കുന്ന പൂരത്തോടനുബന്ധിച്ച് രണ്ടാം നാളിലും നാലാം നാളിലുമാണ് മറത്തുകളി നടക്കുക. കാവുകളിൽ മീനമാസത്തിൽ പൂരൂരുട്ടാതി യോടനുബന്ധിച്ച് അരങ്ങേറുന്ന ഒരു ദിനം മുഴുവൻ നീണ്ടുനിൽക്കുന്ന അനുഷ്ഠാന കലയാണ് മറത്തുകളി . പൂരക്കളിയുടെ മൽസരരൂപമാണ് മറത്തുകളി. മറത്തു എന്ന വാക്കിന് മൽസരം എന്നാണർത്ഥം. അപ്പോൾ മൽസരക്കളിയാണ് മറത്തുകളി. കാവുകൾ തമ്മിൽ മൽസരിച്ചുകളിക്കുന്ന പൂരക്കളിയെയാണ് പ്രാചീന കാലങ്ങളിൽ മറത്തുകളി എന്ന് വിശേഷിപ്പിച്ചത്.ഈ കലാരൂപം പ്രധാനമായും തിയ്യ, മണിയാനി ജാതിക്കാരുടെ കീഴിലുള്ള കാവ് ക്ഷേത്രങ്ങളുമായി ബന്ധപ്പെട്ടിരിക്കുന്നു. ഈ ജാതികളിലെ പുരുഷന്മാർ ഈ കലാരൂപത്തിൽ പങ്കെടുക്കുന്നു. വടക്കൻ കേരളത്തിലെ ക്ഷേത്രങ്ങളിലെ പുരാതന കന്യാപൂജ ഉത്സവങ്ങളുമായി ബന്ധപ്പെട്ടിരിക്കുന്ന മറത്തുകളി പൂരക്കളിയുടെ ഭാഗമാണ്.

രണ്ടും വേറിട്ട് നിൽക്കുന്നതല്ല. കാവുകളിൽ ഒരുമിച്ചു നിൽക്കുന്നതാണെങ്കിലും പ്രദർശനങ്ങളിൽ ഇതിനെ അടർത്തി വേറിട്ട് അവതരിപ്പിക്കുന്ന  കലയായി മറത്തുകളി മാറി എന്നതാണ് സവിശേഷത

പണിക്കർ

    രണ്ട് കാവുകൾ ദത്തെടുത്ത പണിക്കർ ആണ് മറത്തുകളിയിലെ മൽസരക്കാർ. അവർണ്ണ വിഭാഗത്തിൽപ്പെടുന്ന പണ്ഡിതനെ യാണ് പണിക്കർ എന്ന പദവി നല്കി ആദരിക്കുന്നത്.പട്ടും വളയും സമ്മാനിച്ച് ഇവരെ ആദരിച്ചിരുന്നു.ഇതിൽ രണ്ട് കാവുകളുടേയും മത്സരം നടത്തുന്ന പണിക്കർ മാർ സംസ്കൃതത്തിലെ നിരവധി വിഷയങ്ങളിൽ പ്രവീണരായിക്കൊണ്ട് സംവാദങ്ങൾ നടത്തുന്നു.മത്സരിക്കുന്ന പണിക്കർ ക്ഷേത്ര ചടങ്ങുകളിൽ പങ്കെടുക്കുകയും ഒരു നിശ്ചിത സമയത്ത് സംസ്‌കൃത വിഷയങ്ങളിൽ സംവാദങ്ങൾ നടത്തുകയും ചെയ്യുന്നു. സംവാദ മാധ്യമം മലയാളമാണ്  പീലിക്കോട് പി.പി.മാധവപ്പണിക്കർ ഈ രംഗത്തെ മുൻനിര കലാകാരനാണ്. കാഞ്ഞങ്ങാട് ദാമോദരൻ പണിക്കർ, കരിവെള്ളൂർ ദാമോദരൻ പണിക്കർ, തുടങ്ങിയ കലാകാരന്മാർ സജീവമായി മറുത്തുകളിയിൽ വ്യാപൃതരാണ്

ആചാരങ്ങൾ

      ക്ഷേത്രത്തിൽ വ്രതം അനുഷ്ഠിച്ച ശേഷമാണ് പണിക്കർമാർ മറത്തുകളി ആരംഭിക്കുന്നത് . വ്രതത്തിന്റെ ദൈർഘ്യം സന്ദർഭത്തിന്റെ ആവശ്യങ്ങൾക്കനുസരിച്ച് വ്യത്യാസപ്പെടാം. പല പ്രകരണങ്ങളെ ആശ്രയിച്ച് 24 മണിക്കൂർ നീണ്ടുനിൽക്കുന്ന വ്യായാമമാണ് മറത്തുകളി. നൂറോളം പേരടങ്ങുന്ന കാവുസംഘങ്ങൾ എതിർസംഘത്തെ പരാജയപ്പെടുത്താനായി യുദ്ധസന്നാഹത്തോടെയും ആഘോഷത്തോടെയും ആണ് സ്ഥലത്ത് എത്തിച്ചേരുന്നത്.

പ്രകരണങ്ങൾ:

  ആദ്യത്തെ പ്രകരണം അതിഥികളെ സ്വീകരിച്ചു കൊണ്ട് നടത്തുന്ന അതിഥി ആതിഥേയതർക്കങ്ങളാണ്. സംസ്കൃത ശ്ലോകം ചൊല്ലി അതിഥിയെ സ്വീകരിക്കുന്നത് തുടങ്ങി തർക്കങ്ങൾ ആരംഭിക്കും. തർക്കങ്ങൾ അടിപിടിയിൽ കലാശിക്കാതിരിക്കാൻ അടുത്ത കാലത്തായി തർക്കങ്ങളെ നിയന്ത്രിക്കാൻ ഒരു പണ്ഡിതനെ അധ്യക്ഷസ്ഥാനത്ത് അവരോധിക്കുന്നുണ്ട്.

അതിഥി സംഘം എത്തുമ്പോൾ നടക്കുന്ന പ്രകരണമാണ് അഭിവാദന പ്രകരണം. അത് കഴിഞ്ഞ് താംബൂല ദാനം എന്ന പവിത്രമായ ചടങ്ങോടെയാണ് മത്സരം ആരംഭിക്കുന്നത്, ഇത് പരമ്പരാഗതമായി താംബൂല അർപ്പണത്തോടെ പണിക്കർമാരെ സ്വീകരിക്കുന്നതിനുള്ള ഒരു ചടങ്ങാണ്.  സംസ്കൃത വ്യാകരണം,

തർക്കം, വേദാന്തം, ആയൂർവ്വേദം ജ്യോതിഷം

തുടങ്ങിയ നിരവധി വിഷയങ്ങളിൽ താംബൂല പ്രകരണത്തെ മുൻനിർത്തി വഗ്വാദങ്ങൾ നടക്കും.പിന്നീട് കളി പന്തലിലേക്കുള്ള രംഗപ്രവേശനം എന്ന പ്രകരണമാണ്. 12 കളങ്ങളോടുകൂടിയ രാശി ചക്രം ആ രംഗത്തിൽ ആലേഖനം ചെയ്തിട്ടുണ്ടാവും. പൂർവ്വനിശ്ചയ പ്രകാരമുള്ള രാശിയിലൂടെ കടന്ന് നിശ്ചയിച്ച ദിക്കിനഭിമുഖമായി നിന്നു കൊണ്ട് രാശിയെയും ദിക്കിനെയും അടിസ്ഥാനപ്പെടുത്തി ശ്ലോകം ചൊല്ലി ജ്യോതിഷം,തർക്കം തുടങ്ങിയ വിഷയങ്ങളിൽ വാദപ്രതിവാദങ്ങൾ നടക്കും. അത് കഴിഞ്ഞാൽ പിന്നെ രംഗപ്രവേശനം നടന്ന സ്ഥലത്തേക്ക് ദീപം കൊണ്ടുവന്നാൽ ദീപ വന്ദന എന്ന പ്രകരണത്തെ അടിസ്ഥാനപ്പെടുത്തി ന്യായ വൈശേഷികദർശനങ്ങളെയും ജ്യോതിഷത്തേയും അടിസ്ഥാനമാക്കിയുള്ള സംവാദങ്ങളാണ് നടക്കുക.

പിന്നീടുള്ള പ്രകരണമാണ് ഇഷ്ടദേവതാ വന്ദനം. ഉത്തര കേരളത്തിലെ ക്ഷേത്രങ്ങളിൽ മാത്രമുള്ള ദേവീ സ്ങ്കല്പത്തിലുള്ള പൂമാല ( പാർവ്വതിയുടെ പ്രതിരൂപം )യെ (ആദി പരാശക്തി)സ്തുതിച്ചു കൊണ്ട് ശ്ലോകങ്ങൾ ചൊല്ലും അനുബന്ധമായി ഗണപതി വന്ദനം സരസ്വതി വന്ദനം കൃഷ്ണ വന്ദനം തുടങ്ങിയവയും നടക്കും.അവിടെ വേദാന്ത വിഷയങ്ങളിൽ വാഗ്പോര് നടക്കും.

   കൃഷ്ണവന്ദനം കഴിയുന്നതോടെ 25 ഓളം പേരടങ്ങുന്ന സംഘം ഉടുത്തൊരുങ്ങി പല തരത്തിലുള്ള പൂരക്കളി നടത്തും. ഇത് ഏദേശം 4 മണി മുതൽ 10 മണി വരെ നീളും. അത് കഴിഞ്ഞാൽ അന്തിക്കൂത്ത് ആണ്.  നാട്യശാസ്ത്രം,വൃത്തശാസ്ത്രം, രസങ്ങൾ, നാട്യശാസ്ത്രം, സംഗീതശാസ്ത്രം,  തുടങ്ങിയ വിഷയക്കളെ അധികരിച്ചുള്ള ചർച്ചകൾ നടക്കും. പിന്നീട് പതഞ്ജലിയുടെ ഗോഗശാ സ്ത്രത്തെ സംബന്ധിച്ച ഗൗരവമേറിയതും ആഴത്തിലുള്ളതുമായ സംവാദം . അതോടെ അവിടെ പണിക്കർമാർ യോഗികളായി തീർന്ന് അവരിലുള്ള സ്പർദ്ധ ഇല്ലാതായി എല്ലാവരും ഒന്നാകുന്ന ദാർശനികതയിലേക്ക് എത്തിച്ചേരുന്നതോടുകൂടി നേരം പുലർന്ന് കളി അവസാനിക്കുന്നു.

തർക്കശൈലി

സംസ്കൃതഗ്രന്ഥങ്ങളിൽ നിന്നുള്ള നിരവധി ഉദ്ധരണികളാണ്  മറത്തുകളിയിൽ ശ്ലോകങ്ങളായി ചൊല്ലുന്നത്. പണിക്കർമാരിൽ ഒരാൾ ഒരു ശ്ലോകം ഉച്ചത്തിൽ ചൊല്ലുന്നു. അദ്ദേഹം വീണ്ടും പദം പ്രത്യേകം ഉച്ചരിച്ചുകൊണ്ട്  ചൊല്ലുന്നു, തുടർന്ന് അന്വയം (ഗദ്യക്രമം) വാക്കുകളുടെ അർത്ഥം, വാക്യത്തിന്റെ അർത്ഥം, വാക്യത്തിന്റെ ഉദ്ദേശ്യം എന്നിവ യഥാക്രമം വിശദീകരിക്കുന്നു. തുടർന്ന് എതിർ സംഘത്തെ നയിക്കുന്ന പണിക്കർ ആ ശ്ലോകത്തെക്കുറിച്ച് സാധ്യമായ എല്ലാ സംശയങ്ങളും ചോദ്യങ്ങളും ചോദിക്കുന്നു.

പണിക്കർ അവയ്ക്ക് ഉത്തരം നൽകുന്നു. സംവാദ വിഷയത്തെക്കുറിച്ചുള്ള തന്റെ ആശയങ്ങളുടെയും വ്യാഖ്യാനങ്ങളുടെയും പൂർണ്ണമായ വിശദീകരണത്തിന് അദ്ദേഹത്തിന് അവസരം നൽകുന്നു. ഈ ചർച്ച അവസാനിക്കുമ്പോൾ, ചോദ്യങ്ങൾ ചോദിച്ച എതിരാളി പണിക്കർ തന്റെ അവതരണത്തോടെയാണ് ആരംഭിക്കുന്നത്. ചർച്ചയിലെ ഓരോ വിഷയവും തെളിവുകളുടെ യും ആധികാരിക ഉദ്ധരണികളോടെയുമാണ് നടത്തേണ്ടത്. രണ്ട് കക്ഷികളും അംഗീകരിച്ച ഒരു മധ്യസ്ഥനാണ് ഗുരുതരമായ തർക്കങ്ങളിൽ അന്തിമ വാക്ക്.

 ഉദാഹരണതർക്കം

മത്സരിക്കുന്ന രണ്ട് പണിക്കർ അവരുടെ ശിഷ്യഗണങ്ങളോടൊപ്പം പ്രവേശിക്കുന്നു

ഒന്നാം പണിക്കർ:

ഉച്ചത്തിൽ മംഗള ശ്ലോകം ചൊല്ലുന്നു. അദ്ദേഹത്തിന്റെ സംഘാംഗങ്ങളും അനുപല്ലവി ചൊല്ലുന്നു

ശ്ലോകം

നിയതികൃതനിയമരഹിതാം ഹ്ലാദൈകമയീമനന്യപരതന്ത്രാo l

നവരസരുചിരാം നിർമ്മിതിമാദധതീ ഭാരതീ കാവേർജയതി  ll

 രണ്ടാം പണിക്കർ:

കവിത സരസ്വതി ദേവിയെ സ്തു‌തിക്കുന്നതാണോ ? കവിതയുടെ അർത്ഥം ഒന്നുകൂടി വിശദീകരിക്കാമോ?

 ഒന്നാം പണിക്കർ:

അതെ, ഞാൻ അതിലേക്ക് വരുന്നു. സ്വരസ്വതീ ദേവിയുടെ സ്തുതിയോടൊപ്പം സാഹിത്യകൃതിയുടെ പ്രാധാന്യവും ഇത് കാണിക്കുന്നു. അപൂർണ്ണവും നിയമാധിഷ്ഠിതവുമായ ത്രിഗുണ ബ്രഹ്മസൃഷ്ടിയേക്കാൾ കാവ്യസൃഷ്ടി മികച്ചതാണ്. ഇത് ഒരു പ്രത്യേക സൃഷ്ട‌ിയല്ല.

2-ാം പണിക്കർ:

അപൂർണ്ണമായതിനെക്കാൾ കാവ്യസൃഷ്ടി കൂടുതൽ പൂർണ്ണമാണെന്ന് നിങ്ങൾ പറഞ്ഞു. ബ്രഹ്മസൃഷ്‌ടി നിങ്ങൾക്ക് വിശദീകരിക്കാമോ?

പണിക്കർ:

പ്രപഞ്ചത്തിന്റെ സ്രഷ്ടാവാണ് ബ്രഹ്മാവ്, കവിതയുടെ സ്രഷ്‌ടാവ് കവിയാണ്. എന്നാൽ ബ്രഹ്മസൃഷ്ട‌ി അപൂർണ്ണമാണ്. കാവ്യസൃഷ്‌ടി പൂർണ്ണമാണ്.

രണ്ടാം  പണിക്കർ:

നിങ്ങൾ ഒരു അത്ഭുതകരമായ മംഗള ശ്ലോകം അവതരിപ്പിച്ചു. ഇത്  മമ്മടാചാര്യരുടെ 'കാവ്യപ്രകാശ'ത്തിലെ ഒരു കവിതയാണോ?

ഒന്നാം പണിക്കർ:

അതെ

രണ്ടാം പണിക്കർ:

ശരി, നിങ്ങൾ പാരായണം ചെയ്ത കവിതയുടെ അർത്ഥം ചുരുക്കി വിശദീകരിക്കാമോ?

ഒന്നാം പണിക്കർ:

 തീർച്ചയായും ഞാൻ കവിതയിലൂടെ സരസ്വതി ദേവിയുടെ മുമ്പിൽ തല കുനിക്കുന്നു. ഇത് 'കാവ്യപ്രകാശ'ത്തിലെ ഒരു കവിതയാണെന്ന് ഞാൻ ഇതിനകം പറഞ്ഞിട്ടുണ്ട്. ആരംഭിക്കേണ്ട തന്റെ പുസ്തകത്തിൻ്റെ സുഗമമായ പൂർത്തീകരണത്തിന് രചയിതാവ് തൻ്റെ പ്രിയപ്പെട്ട ദേവി സരസ്വതിയെ പ്രശംസിക്കുന്നു.

രണ്ടാമത്തെ പണിക്കർ:

ഈ കവിത സരസ്വതി ദേവിയെ സ്‌തുതിക്കുന്നതാണോ? കവിതയുടെ അർത്ഥം ചുരുക്കി വിശദീകരിക്കാമോ? ഒന്നാമത്തെ പണിക്കർ:കവിതയുടെ അർത്ഥം ചുരുക്കി വിശദീകരിക്കാമോ?

ഒന്നാമത്തെ പണിക്കർ:

അതെ, ഞാൻ അതിലേക്ക് വരാം. ദേവിയെ സ്തുതിക്കുന്നതിനൊപ്പം. സരസ്വതി സാഹിത്യകൃതിക്കും ഇത് പ്രാധാന്യം നൽകുന്നു.

കാവ്യസൃഷ്ട‌ി കൂടുതൽ പൂർണ്ണമാണോ? അങ്ങനെ അപൂർണ്ണമായ നിയമാധിഷ്ഠിതവും ത്രിഗുണപരവുമായ ബ്രഹ്മസൃഷ്ടി

 രണ്ടാം പണിക്കർ:

അപൂർണ്ണമായ ബ്രഹ്മസൃഷ്ടിയേക്കാൾ കാവ്യസൃഷ്ടി കൂടുതൽ പൂർണ്ണമാണ്/പൂർണ്ണമാണ് എന്ന് നിങ്ങൾക്ക് വ്യക്തമാക്കാമോ?

ഒന്നാം പണിക്കർ:

ബ്രഹ്മാവ് പ്രപഞ്ചത്തിന്റെ സ്രഷ്ടാവും കവി കവിതയുടെ സ്രഷ്‌ടാവുമാണ്. ബ്രഹ്മസൃഷ്ടി അപൂർണ്ണമാണെങ്കിൽ, കാവ്യസൃഷ്ടി പൂർണ്ണമാണ്. നാലപ്പാട്ട് നാരായണ മേനോൻ പാടിയിട്ടുണ്ട്-'പൂർണ്ണചന്ദ്രനെ കുറവുകളോടെ സൃഷ്ടിച്ച സ്രഷ്ടാവ് അപൂർണ്ണതയ്ക്കായി പ്രപഞ്ചത്തെ സൃഷ്ടിച്ചു'. സ്രഷ്‌ടാവ് ഏറ്റവും മനോഹരമായ പൂർണ്ണചന്ദ്രനിൽ ചെളി വിതറി, ചെളിവെള്ളത്തിൽ താമരയെ വളർത്തി, മുള്ളുകളുള്ള റോസാപ്പൂവ് തന്റെ എല്ലാ സൃഷ്‌ടികളെയും ആ അപൂർണ്ണത കൊണ്ട് നിറച്ചു. എന്നാൽ സ്വതന്ത്ര കവിക്ക് തന്റെ ആഗ്രഹപ്രകാരം കുറ്റമറ്റ ലോകം സൃഷ്ടിക്കാൻ കഴിയും.

രണ്ടാമത്തെ പണിക്കർ:

ആദ്യത്തെ വാക്ക് 'നിയതികൃതനീയമരഹിതാം ‘ എന്നാണ്. അതിന്റെ വിഗ്രഹാർത്ഥം എന്താണ്?

ആദ്യത്തെ പണിക്കർ:

  'നിയത്യാ കൃതഃ' നിയമഃ 'നിയതികൃതനിയാമഃ', 'തദ്രഹിതം-നിയതികൃതനീയമരഹിതം' എന്ന് പറയാം വിധിയാൽ നിർമ്മിച്ച നിയമങ്ങളില്ലാത്തത് എന്നാണ് അർത്ഥം. ദൈവത്തിൻ്റെ ഇഷ്ട‌ം, ദൈവം മുതലായവയെയാണ് നിയതി എന്ന് ചുരുക്കിപ്പറഞ്ഞാൽ അർത്ഥമാക്കുന്നത്.

രണ്ടാമത്തെ പണിക്കർ: ദൈവഹിതത്തിന്റെ നിയമം കൊണ്ട് നിങ്ങൾ എന്താണ് ഉദ്ദേശിക്കുന്നത്?

ഒന്നാം പണിക്കർ:

പ്രപഞ്ചത്തിൽ സമയം, വസ്തുക്കൾ, രാജ്യം, പ്രായം തുടങ്ങിയ കാര്യങ്ങൾ വിവിധ അവസ്ഥകളിൽ കാണപ്പെടുന്നു. ഓരോന്നിനും അതിന്റേതായ ഭാവവും സ്ഥാനവുമുണ്ട്. ഒന്ന് മറ്റൊന്നിൽ നിന്ന് വ്യത്യസ്തമാണ്. അങ്ങനെ ദൈവം വിധിയെയോ നിയമങ്ങളെയോ അടിസ്ഥാനമാക്കിയാണ് ഇവയെ ഓരോന്നും സൃഷ്ട‌ിക്കുന്നത്.

 രണ്ടാം പണിക്കർ:

കാവ്യസൃഷ്‌ടി നിയമങ്ങളില്ലാത്ത ഒന്നാണെന്ന് നിങ്ങൾക്ക് പറയാമോ? കവിയും തന്റെ കൃതിയിൽ ഭൗതിക കാര്യങ്ങൾ അവതരിപ്പിക്കുന്ന ഒരു സാധാരണ മനുഷ്യനാണ്.

ഒന്നാം പണിക്കർ:

കവി തൻ്റെ കൃതിയിൽ ഭൗതിക കാര്യങ്ങൾ അവതരിപ്പിക്കുകയും എല്ലാ ഭൗതിക സൃഷ്ടികളും വിധിയെ അടിസ്ഥാനമാക്കിയുള്ളതായിരിക്കുകയും ചെയ്യുന്നതിനാൽ, അത് നിയമങ്ങളെ അടിസ്ഥാനമാക്കിയുള്ളതാണെന്ന നിങ്ങളുടെ അഭിപ്രായം വിഡ്ഢിത്തമാണ്. കാരണം തോന്നുന്നത് രണ്ടാം വാക്യം ഒന്നാം വാക്യത്തിന്റെ ഭൗതികവാദപരവും അർത്ഥങ്ങൾ സഹൃദയ ചർവ്വണത്തിന് വിധേയവുമാണ്. പിന്നീട് അത് ലളിതവും ഭൗതികമല്ലാത്തതുമായി മാറുന്നു. അതിനാൽ അതിന് ഒരു വിധിയില്ല.

രണ്ടാം പണിക്കർ:

 ഒരു കവിതയിൽ ഛന്ദസ്, രസവിശേഷം തുടങ്ങിയ നിരവധി സവിശേഷതകൾ കാണാൻ കഴിയും, അവ വ്യത്യസ്ത‌ സ്വഭാവങ്ങളാണ്. ഈ ഘടകങ്ങൾ പ്രത്യേക നിയമങ്ങളുടെ അടിസ്ഥാനത്തിലാണ് എഴുതിയിരിക്കുന്നത്.

ഒന്നാം പണിക്കർ:

അതിനുള്ള ഉത്തരം ഞാൻ ഇതിനകം നൽകിയിട്ടുണ്ട്. സംസാരത്തിൻ്റെ(ലോകത്തിൻ്റെ) സവിശേഷത എന്തെന്നാൽ, താമര വെള്ളത്തിൽ മാത്രമേ കാണപ്പെടുന്നുള്ളൂ എന്നതാണ്. അത് സ്ത്രീയിൽ കാണുന്നില്ല. വിധിയുടെ നിയമം, താമര വെള്ളത്തിൽ മാത്രമേ കാണപ്പെടുന്നുള്ളൂ, അത് ഒരു സ്ത്രീയിൽ ഒരിക്കലും കാണുന്നില്ല എന്നതാണ്. എന്നാൽ സുന്ദരിയായ സ്ത്രീയുടെ മുഖത്തെ താമരയാക്കി കവി ഒരു പുതിയ സൃഷ്ടി സൃഷ്ടിക്കുകയാണ്. മാറുന്ന ജീവികളെപ്പോലും ജീവനില്ലാത്തവയാക്കി മാറ്റാൻ കവികൾക്ക് കഴിവുണ്ട്. ഇതാണ് കവിയുടെ പ്രത്യേകത. ഏതെങ്കിലും കവിത എടുക്കുകയാണെങ്കിൽ രസത്തിലും മറ്റും വ്യത്യാസം കാണാൻ കഴിയും, പക്ഷേ മൊത്തത്തിൽ അത് വായനക്കാരുടെ

ഹൃദയങ്ങളിൽ പരമാനന്ദം സൃഷ്‌ടിക്കുന്നു. വിധി നിയമത്തിൽ കാണാൻ കഴിയാത്തത് ഇതാണ്.

രണ്ടാമത്തെ പണിക്കർ:

സമ്മതിച്ചു,

അധ്യക്ഷനോട്  അഭിപ്രായം ചോദിക്കാം.

അധ്യക്ഷൻ

കാവ്യപ്രകാശത്തിലെ മംഗളശ്ലോകത്തിലെ 'നിയതികൃത നിയമരഹിതതാം’ എന്ന പദത്തിന്റെ അനുയോജ്യതയെക്കുറിച്ച് നിങ്ങൾ രണ്ടുപേരും ചർച്ച ചെയ്തു.അഗ്നിപുരാണത്തിൽ വ്യാസൻ പറഞ്ഞു:

അപാരേ കാവ്യ സംസാരേ കവിരേക പ്രജാപതി യദസ്മൈ രോചതേ വിശ്വം തഥേദം പരിവർത്തതേ.

ഒരു സ്വതന്ത്ര കവിയുടെ സ്വതന്ത്ര സൃഷ്ടിയുടെ പ്രാധാന്യത്തെക്കുറിച്ചുള്ള ഒരു സ്തുതിയാണ്ണ് ഈ വരികൾ. അതിനാൽ അപൂർണ്ണതയ്ക്ക് പ്രാധാന്യമില്ല, കാരണം ഒരു കവി പ്രകൃതിയിലെ അപൂർണ്ണമായ സൃഷ്‌ടികൾക്ക് പൂർണത നൽകുന്ന വ്യക്തിയാണ്, അതുകൊണ്ടാണ് കവികളെ എല്ലായ്പ്പോഴും കാവ്യലോകത്തിന്റെ പ്രജാപതി എന്ന് വിളിക്കുന്നത്...

സംസ്കൃത പഠനം

 സംസ്കൃത ശാസ്ത്ര വിഷയങ്ങളെക്കുറിച്ചുള്ള അറിവും ,സംസ്കൃത പഠനങ്ങളോട് സ്നേഹവുമുള്ള ഒരു ഗ്രാമീണ പ്രേക്ഷകരുടെ ഒത്തുചേരലിന് മുമ്പാണ് ഈ പരിപാടി നടത്തുന്നത്. കളിയിൽ നന്നായി അറിവുള്ള ഒരു കലാകാരനാകാൻ കുട്ടിക്കാലം മുതൽ തന്നെ ദീർഘകാല പരിശീലനം ആവശ്യമാണ്. സംവാദങ്ങൾക്ക് ഉപയോഗിക്കുന്ന പാഠഭാഗങ്ങളിൽ പണിക്കർ സമഗ്രത പുലർത്തുന്നു. പാരായണത്തിൻ്റെയും വ്യാഖ്യാനങ്ങളുടെയും നിർദ്ദിഷ്ട ക്രമത്തിൽ അവർ മുഴുവൻ കാര്യവും ഹൃദിസ്ഥമാക്കുന്നു. ഇതിനായി ഗൗരവമേറിയ ചർച്ചകൾ ആവശ്യമാണ്. പണിക്കർ തന്റെ മറത്തുകളി ഗുരുവിൻ്റെയോ മുതിർന്ന പണിക്കരുടെയോ കീഴിൽ ഇതെല്ലാം പഠിക്കുന്നു.ചിലപ്പോൾ കൂടുതൽ പഠനത്തിനായി അവർ മറ്റ് പണ്ഡിതന്മാരെ സമീപിക്കുന്നു. ക്രമേണ പണിക്കർ സംവാദം അവതരിപ്പിക്കുന്നതിൽ തന്റേതായ ശൈലി വികസിപ്പിക്കുകയും സ്വന്തം ശിഷ്യന്മാർക്കോ സംഘ അംഗങ്ങൾക്കോ നിർദ്ദേശങ്ങൾ നൽകാൻ തുടങ്ങുകയും ചെയ്യുന്നു. ഈ സംവാദങ്ങളിൽ പങ്കെടുക്കുന്ന പണിക്കരുടെ ശിഷ്യന്മാരും പ്രകടന സമയത്ത് സന്നിഹിതരായിരിക്കും. അവരുടെ പണിക്കരുടെ പ്രകടനം സൂക്ഷ്മ്‌മമായി നിരീക്ഷിച്ചാണ് അവർ കല പഠിക്കുന്നത്

കലയിലെ നവീനത

  വടക്കേ മലബാറിൽ ഇന്നും പൂരക്കളിയുടെ ഭാഗമായി മറത്തുകളി നടത്തപ്പെടുന്നു. ഈ പരമ്പരാഗത കലയായ പണ്ഡിത സംവാദം അവതരിപ്പിക്കാൻ യുവ പണ്ഡിതന്മാർ മുന്നോട്ട് വരുന്നു. 'ബൗദ്ധിക കല'യുടെ ഈ ജനപ്രിയ രൂപം തുടരാൻ അവർ സമർപ്പിതരാണ്. പാരമ്പര്യങ്ങൾ പാലിക്കുകയും കലയിൽ മാറ്റങ്ങൾ വരുത്തുകയും ചെയ്യുന്നു. രസകരമായ ഒരു വഴിത്തിരിവ് മറ്റ് ക്ഷേത്ര കലാരൂപങ്ങൾ എന്നിവ പോലെ മറത്തുകളിയും ക്ഷേത്രങ്ങളുടെ അതിരുകൾ ലംഘിച്ചു എന്നതാണ്. ഇപ്പോൾ ക്ഷണിക്കപ്പെട്ട പ്രേക്ഷകർക്ക് മുന്നിൽ അവതരിപ്പിക്കപ്പെടുന്നു. ഇത് കലയെ കൂടുതൽ ജനപ്രിയമാക്കി. കേരളത്തിലുടനീളമുള്ള സംസ്കൃത, സാഹിത്യ പ്രേമികൾ സ്വാഗതം ചെയ്ത മറത്തുകളി പ്രചരിപ്പിക്കുന്നതിൽ ഇന്നത്തെ തലമുറയിലെ കലാകാരന്മാർ വളരെയധികം താല്പര്യം കാണിക്കുന്നു.

ഉപസംഹാരം

മറത്തുകളി എന്നത് പൊതുജനങ്ങൾക്കായി അവതരിപ്പിക്കുന്ന ഒരു സംവാദ കലാരൂപമാണ്. സംസാരത്തിലും ബുദ്ധിശക്തിയിലും ഇതിന് വളരെയധികം പരിശീലനം ആവശ്യമാണ്. പങ്കെടുക്കുന്നവർ സാഹിത്യം, വേദാന്തം, വ്യാകരണം, ന്യായം, ജ്യോതിഷം, മീമാംസം, തുടങ്ങിയവയിലെ സംസ്കൃത ഗ്രന്ഥങ്ങൾ പഠിക്കേണ്ടതുണ്ട്. ശ്രോതാക്കളിൽ സംസ്കൃതത്തിൻ്റെ ഗൗരവമേറിയ വിഷയങ്ങളെക്കുറിച്ചുള്ള അവബോധം ഈ അനുഷ്ഠാനകല വളർത്തുന്നു. അങ്ങനെ മറുത്തുകളി അനൗപചാരിക സംസ്കൃത പഠനത്തിന്റെ തികച്ചും വ്യത്യസ്‌തവും ശ്രദ്ധേയവുമായ ഒരു രീതി പ്രദാനം ചെയ്യുന്നു. മറത്തുകളി അവതരിപ്പിക്കുമ്പോൾ ശുദ്ധമായ സംസ്കൃ‌തം സംസാരിക്കുന്ന മത്സരാർത്ഥികൾ താഴ്ന്ന ജാതിക്കാരാണെന്നത് ഒരു പ്രത്യേകതയാണ്. മുകളിൽ സൂചിപ്പിച്ച മറ്റ് എല്ലാ വിഷയങ്ങൾക്കും പുറമേ വേദങ്ങളിൽ നിന്നും ശാസ്ത്രങ്ങളിൽ നിന്നും അവർ ധാരാളം ഉദ്ധരിക്കുന്നു . ഇത് കേരളത്തിന്റെ സാംസ്കാരിക പ്രത്യേകതയെ സൂചിപ്പിക്കുന്നു. എന്നിരുന്നാലും, ജാതീയത കൊടികുത്തിവാണിരുന്ന കാലഘട്ടത്തിലും ഉയർന്ന ജാതിയിൽപ്പെട്ട ഗുരുക്കന്മാർ തങ്ങളുടെ വിദ്യാർത്ഥികളെ പഠിപ്പിക്കാനുള്ള സന്നദ്ധത കാണിച്ചിരുന്ന എന്നതും ഇവിടെ ശ്രദ്ധേയമാണ്.

ഗ്രന്ഥസൂചി

1. പൂരക്കളിയും മറത്തുകളിയും - പഠനം, പി. ദാമോദര പണിക്കർ,കേരള പൂരക്കളി കലാ അക്കാദമി, 2006

2 Poorakkali and Maruthukali - a performance of male dancers in the bhagavati Temples of Malabar, K.K.N. Kurup, Published by New Bharatiya book Corporation, 2017

3 Poorakkali - Folklore Study, Vishnu Namboothiri M.V, Kottayam, 1998

4 മറുത്തുകളി - ശ്രീധരൻ. ഇ, Pub - 2012

5 Maruthukali Sahityam by Sreedharan E, Pub 2013

6 Madhaveeyam : Poorakkali - Marattukali Sahithyam by Madhavan Panikkar . P. P, Pub - 2016

7 Poorakkali - Karunakaran K.R ,Pub 1999

https://www.wisdomlib.org/uploads/ocr/essays/education-kerala/08-chapter-iii.pdf

https://www.youtube.com/watch?v=MsCDrnANDQw

https://indiaartreview.com/stories/poorakkali-and-maruthukali-north-kerala-ritual-artform/

  Dr. Suma Parapattoli

Associate Professor

Sanskrit section

Government Victoria College

Palakkad.

parappattolisuma@gmail.com