ഇൻ്റർനെറ്റ് ഭാഷയുടെ അധിനിവേശം പഠിക്കപ്പെടേണ്ടതാണ്.

ഡോ. ഡി. ബെഞ്ചമിൻ /ഷൈനി ജെ

മലയാള ഗവേഷണത്തിന്റെ നിലവാരത്തെക്കുറിച്ച് ഉത്കണ്ഠപ്പെടാൻ ഒന്നുമില്ല. വളരെ ശ്രദ്ധാർഹമായ ചില ഗവേഷണപ്രബന്ധങ്ങൾ വരുന്നുണ്ട്. അത്രതന്നെ ഉയർന്ന നിലവാരമില്ലാത്ത ഗവേഷണ പ്രബന്ധങ്ങളും അംഗീകരിക്കപ്പെടുന്നുണ്ട്. ഇത് എപ്പോഴും അങ്ങനെതന്നെയായിരുന്നു. മലയാളത്തിൽ എഴുതപ്പെടുന്ന ഗവേഷണപ്രബന്ധങ്ങൾക്ക് ദേശീയമോ അന്തർദേശീയമോ ആയ അംഗീകാരംലഭിക്കുക എളുപ്പമല്ല ഗവേഷണപ്രബന്ധം സമർപ്പിക്കുന്നതോടൊപ്പം അവയുടെ ഇംഗ്ലീഷ്സംഗ്രഹം കൂടി സമർപ്പിക്കണമെന്ന് ഗവേഷകാചാര്യനായ ഡോക്ടർ കെ. എം. ജോർജ് നിർദ്ദേശിച്ചിരുന്നു ഈ സംഗ്രഹങ്ങൾ സമാഹരിച്ച് പ്രസിദ്ധീകരിക്കുകയും വേണം.