വൈജ്ഞാനിക മലയാളത്തിന്റെ ജനുവരി - മാർച്ച് ലക്കം പുറത്തിറങ്ങുകയാണ്.  മൾട്ടി ഡിസിപ്ലിനറിയായ വിഷയത്തിൽ ഊന്നിയാണ് ഈ ലക്കം നിലകൊള്ളുന്നത്.  ജ്ഞാനപദ്ധതികളുടെ പാരസ്പര്യങ്ങൾ അറിവിനെ പുനരുദ്ധരിക്കുന്നുവെന്ന കാഴ്ചപ്പാട് ഈ ലക്കം പുലർത്തുന്നുണ്ട്. വിവിധ വിഷയങ്ങളിലായി ഇരുപത്തിയെട്ടോളം ലേഖനങ്ങൾ സമാഹരിച്ചിട്ടുണ്ട്. സാഹിത്യപഠനം, മനശാസ്ത്രം,  മതദർശനം, ഫെമിനിസം, പാരിസ്ഥിതികദർശനം, വിദ്യാഭ്യാസ ദർശനം,  ഭാഷാശാസ്ത്രം, മാനവാനന്തരത, ഗോത്രപഠനം, വിവർത്തനപഠനം, ക്വീർ പഠനം, ചലച്ചിത്രപഠനം തുടങ്ങിയ മേഖലകളെ ആസ്പദമാക്കിയുള്ള ആഴത്തിലുള്ള പഠനങ്ങൾ ഈ ലക്കത്തിന്റെ സവിശേഷതയാണ്. സാഹിത്യപഠനത്തിൻ്റെ പുതിയ സാധ്യതകളെ ഈ ലേഖനങ്ങളിൽ അന്വേഷിച്ചിരിക്കുന്നു. പരമ്പരാഗതമായ സാഹിത്യപഠന പദ്ധതികളിൽ നിന്നും ഈ ലക്കത്തിലെ ലേഖനങ്ങൾ വ്യതിരിക്തത പുലർത്തുന്നുണ്ട്. മാറുന്ന ലോക സാഹചര്യത്തിന്റെയും തത്ഫലമായി ഉണ്ടാകുന്ന സാമൂഹിക സാഹചര്യങ്ങളുടെയും സൂചകങ്ങളായി ഓരോ പഠനവും മാറുന്നുണ്ട്. വ്യത്യസ്തവും നവീനവുമായ കാഴ്ചപ്പാടു പുലർത്തുന്ന ഈ ലക്കം വായനക്കാർക്കായി സമർപ്പിക്കുന്നു.

​

ഇഷ്യൂഎഡിറ്റർ

ഡോ. സംഗീത കെ.

അസിസ്റ്റൻ്റ് പ്രൊഫസർ

മലയാളവിഭാഗം

സർക്കാർ വനിതാകോളേജ്

തിരുവനന്തപുരം